انا اسف ومليون اسف

أنا آسـف أنا مليـون آســف
أنا ساذج أنا أعذاري ضعيفة

لان الحب يعني لي مواقـــف
أترجمها من إحساسي وأضيفه

حنين وشوق وشعور وعواطف
سهر واحزان ودموعٍ كثيفـة

نا استاهل لاني كنت عــارف
ربيع الحب ما يعني خريفـه

إذا عدا سحاب العمر خاطـف
تذكرت البحر وتراب سيفـه

وإذا عديت صوب البر طايـف
ذكرت الليل والنجمة الرهيفه

تجالسني وأنا ما زلت واقــف
تناظرني وأنا عيني كفيفــة

وتحرقني بجمرات الشفايــف
تداعبني وأنا روحي خفيفـة

تحاكي حزني بعذب السوالـف
تخلي اعمق جروحي طفيفـة

تجيني ريح وتتركني عواصف
تخلي مقلة عيوني ذريفـــة

على ناي الحزن تتركني عازف
أبيع الهم والغم أستضيفـــه

وأسافر بايع الدنيا وعايـــف
جروح الحب صادقها وزيفـه